Shkup, 4 nëntor – Ministri i Punëve të Jashtme, Bujar Osmani, sot realizoi takim me Derek Miçel, kryetarin e Institutit Nacional Demokratik (NDI) nga SHBA.
Osmani e përshëndeti bashkëpunimin dhe angazhimin e NDI-së në Maqedoninë e Veriut, duke e vlerësuar si veçanërisht të rëndësishme për forcimin e proceseve demokratike në vend.
“Njëherazi, bashkëbiseduesit shkëmbyen mendime për situatën në Afganistan, me çka kryetari Miçel shprehu mirënjohje për sigurimin e qëndrimit të përkohshëm të refugjatëve afganë në Maqedoninë e Veriut, të cilët më parë ishin të angazhuar në Zyrën e NDI-së në Kabul dhe organizata të tjera ndërkombëtare në vend”, thuhet në kumtesën e MPJ-së
