Shkup, 5 nëntor – Deri në fund të javës kryeministri Zoran Zaev do ta dorëzojë dorëheqjen e tij në Kuvend, sepse insistimet e partnerëve të koalicionit nuk kanë dhënë rezultat për ta bindur të mos bëjë një hap të tillë. Një nga shkaqet që e kanë detyruar Zaevin që ta tërheqë dorëheqjen ka qenë aludimi i kryetarit të Shkupit, Petre Shilegov se ai ka faj për humbjen në zgjedhje. Nga krahu i LSDMsë në Shkup, brifojnë se Radmilla Shekerinska ka ambicie dhe kapacitet për të marrë udhëheqjen e partisë dhe postin e kryeministres, transmton Zhurnal.
Punët nuk janë aq të thjeshta në LSDM, sepse Zaev nuk e përkrah Shekerinskën, por më shumë e favorizon Sanja Llukarevskën, kurse apetitet për të marrë LSDM-në ka shprehur edhe Branko Cërvenkovski.
“Ndihet tendenca pas largimit të Zaevit se disa grupacione që deri tani ishin të pakënaqur si udhëhiqej partia nga Marrëveshja e Prespës e këtej Ato grupacione kanë shprehur ambicie kurse opinion mendoj që e din se njërin grupacion e udhëheq ish kryetari i LSDM-së, Branko Cërvenovski”, ka deklaruar Vllado Buçkovki, ish kryetar dhe kryeministër nga radhët e LSDM-së, raporton Tv21.
