Kryeministri Edi Rama, ndërsa ka folur për takimin e fundit të “Open Balkan” ka sqaruar edhe praninë e Alex Soros në këtë takim.
Gjatë intervistës në News 24, Rama vlerësoi veprimtarinë dhe kontributin e fondacionit “Shqipëria e hapur” në Shqipëri.
“Të gjitha shpifjet në adresë të Sorosit vijnë nga mendje që kanë problem me të vërtetën, me historinë dhe me vetë të shkuarën e tyre. Ajo që dua të saktësoj është që në tryezë nuk ka qenë Alex Soros me ndihmësit e tij, por ka qenë Këshilli i Atlantikut, që është një tjetër forcë që e mbështet Ballkanin e Hapur pa rezervë. Pjesë e Këshillit të Atlantikut ka qenë edhe Fondacioni për Shoqërinë e Hapur”, tha Rama.
