Shkup, 8 nëntor – Kryetari i Lëvizjes Besa Bilall Kasami, së bashku me sekretarin e partisë Arjanit Hoxha, pritën në takim ambasadorin francez në Shkup, Cyril Baumgartner, informon Zhurnal.
Në takim është biseduar lidhur me zgjedhjet lokale dhe për situatën politike që është krijuar ditëve të fundit.
Qëndrimi i përbashkët ishte se vendi nuk duhet të devijojë në rrugën drejt BE-së dhe duhet vazhdimisht të punohet për të mirën e vendit.
“Me kryetarin e Lëvizjes BESA, Bilall Kasami pritëm në takim miqësor ambasadorin e Francës në Shkup, z. Cyril Bomgartner. Në këtë takim u bisedua për zgjedhjet lokale që përfunduan me 31 tetor me mbajtjen e raundit të dytë.
Si parti politike, shprehëm shqetësimet tona për të mos u shkelur verdikti i dhënë i popullit me 17 tetor dhe 31 tetor.
Me z.Bomgartner biseduam edhe për situatën politike të krijuar ditëve të fundit. Edhe një herë përsëritëm qëndrimin tonë se vendi asesi nuk duhet ta ndryshojë diskursin politik përballë proceseve integruese dhe njëkohësisht të punohet vazhdimisht për të mirën e vendit. Ambasadori i Francës përshëndeti qëndrimin e Lëvizjes BESA duke theksuar se rruga e vetme e Maqedonisë së Veriut është BE-ja.
Takime të tilla miqësore palët u dakorduan të realizojnë edhe në të ardhmen”, ka njoftuar Arjanit Hoxha nga Lëvizja Besa.//zhurnal.mk
