Shkup, 5 nëntor – Maqedonia e Veriut për herë të parë do të vizitohet nga kryeministri i Holandës, Mark Rute, paralajmëroi ambasadori holandez në Shkup, Dirk Jan Kop. Ai sot ishte në Prelubishte të Tetovës, ku gjendet një kompani me kapital holandez, ndërsa ishte mbajtur edhe manifestim me rastin e ditës së sipërmarrësisë që shënohet në Mbretërinë Holandeze.
“Lajmi i mirë është se kjo është hera e parë që e them këtë në këtë vend, dhe këtë herë duhet të publikohet edhe në Mbretërinë e Holandës, për herë të parë në historinë e Maqedonisë së Veriut kryeministri ynë Mark Rute do ta vizitojë vendin. Ai do të vjen në Maqedoninë e Veriut të mërkurën e ardhshme, më 10 nëntor dhe do të pritet nga kryeministri i Maqedonisë së Veriut”, deklaroi ambasadori.
Në kërkesë të gazetarëve për koment për dorëheqjen e dorëzuar të kryeministrit Zoran Zaev, ambasadori tha se dëshiron të kthehet në deklaratën që është dhënë nga Brukseli në emër të të gjitha vendeve anëtare të BE-së.
“Thotë se BE-ja është e njoftuar me paralajmërimin për dorëheqje të kryeministrit dhe se është shumë e rëndësishme të qëndrohet në rrugën e reformave, të vazhdohen reformat”, tha ambasadori Dirk Jan Kop.
