Tiranë, 19 nëntor – Nxitja e bashkëpunimit ekonomiko-tregtar mes Republikës së Shqipërisë dhe Republikës së Maqedonisë së Veriut, shqyrtimin e mundësive dhe potencialin për ngritjen e nivelit të bashkëpunimit turistik, si dhe lidhjen e trafikut të të dyja vendeve, ishin thekset kryesore të vizitës së sotme në Durrës të ambasadorit Danço Markovski, informuan nga ambasada e Maqedonisë së Veriut në Tiranë
Markovski në Durrës u shoqërua nga ministri-këshilltar Sashko Tashulov dhe sekretarja e dytë Blerta Sali.
“Në takim me kryebashkiaken e Durrësit, Emiriana Sako, u shkëmbyen ide dhe mundësi për përforcimin e bashkëpunimit në fushën e ekonomisë, kulturës, arsimit dhe fushave të tjera. U dakordua në të ardhmen të ketë pjesëmarrje të artistëve dhe grupeve kulturore të Maqedonisë spë Veriut në aktivitete kulturore ndërkombëtare të cilat mbahen në Durrës”, qëndron në publikimin e Ambasadës.
Shtihet se Durrësi është binjakëzuar me Kumanovën, prandaj është theksuar rëndësia që të rivitalizohet ky bashkëpunim.
Në takimin me kryetarin e Odës Ekonomike dhe Industriale të Durrësit, Alban Isteri është theksuar rëndësia për intensifikimin e kontakteve të ndërsjella të odave të të dyja vendeve, përmes ngjarjeve të organizuara bashkërisht (B2B dhe të ngjashme) me qëllim të përforcimit të bashkëpunimit ekonomik, ndërsa edhe rritjen e shkëmbimit tregtar.
“Drejtori Isteri, informoi se aktualisht shikon potencial të madh për firmat e Maqedonisë së Veriut në bashkëpunim me firmat shqiptare të fokusohen për eksportimin e prodhimeve të tyre në vendet e BE-së, ndërsa veçanërisht në Itali, me të cilin Shqipëria tashmë ka bashkëpunim të mirë”, theksojnë nga ambasada.
Gjatë qëndrimit në Durrës, është realizuar takim edhe me drejtorin e përgjithshëm të portit, Piro Vengu, i cili ka informuar për mënyrën si funksionin porti, ndërsa ka informuar edhe për investimin e madh nga EMAR-i për ndërtimin e portit të ri në Durrës. janë shqyrtuar edhe mundësitë që një numër i firmave të Maqedonisë së Veriut ta përdorin këtë port të madh shqiptar.
