Shkup, 28 dhjetor – Komisioni Shtetëror për Parandalimin e Korrupsionit (KSHPK) sipas planit për kontroll të pasurisë në vitin 2022 do t’i kontrollojë të dhënat nga deklaratat për pasurinë e 10 gjykatësve dhe 10 prokurorëve, 10 drejtorëve të institucioneve publike shëndetësore, katër udhëheqës në inspektoratet shtetërore për transport, ndërtimtari dhe urbanizëm, për mjedis jetësor dhe për bujqësi.
Për herë të parë do të kontrollohen edhe deklaratat e 10 kryetarëve të këshillave në vetëqeverisjen lokale dhe 10 drejtorë të ndërmarrjeve publike, përcjellë Zhurnal.
Pjesë përbërëse e planit, informoi kryetarja e KSHPK-së, Biljana Ivanovska, është edhe plani i veprimit për kontroll të pasurisë dhe konfliktit të interesave nga sfera e gjyqësorit, vetëqeverisjes lokale dhe organeve të pushtetit ekzekutiv.
Sipas Ivanovskës, këto sfera janë vlerësuar gjatë viteve të fundit si të rrezikshme sa i përket perceptimit të qytetarëve në anketa të ndryshme ose përvojat e tyre për veprime korruptuese.
