Shkup, 2 nëntor – Ish-ambasadori i Republikës së Shqipërisë në Shkup, Arben Çejku, vlerëson se nëse deri në dhjetor nuk ka zhvillim pozitiv në çështjet eurointegruese, nuk përjashtohet në pranverë në Maqedoninë e Veriut të ketë zgjedhje të parakohshme parlamentare.
“Nëse ndodh që Zaev të mor marrë lajme të mira deri në dhjetor pas çështjes për eurointegrim, nuk përjashtohet se Maqedonia e Veriut të shkojë në zgjedhje të parakohshme pranverën e ardhshme. Hapësirën që e le BE-ja, ka bërë për herë të parë në histori që lëvizja mjatiste në Maqedoninë e Veriut të jetë vendimtare në zgjdhjet dhe të sjell deri në dobësimin e LSDM-së. E Majta, partia e cila e ka retorikën e ideve të Marks dhe Leninit, së bashku me VMRO-DPMNE-në, shkaktuan tërmet në LSDM”, deklaroi Çejku për emisionin “Tregimi real” të Njuz 24.
Çejku me qëndrim se VMRO-ja është “kërcënim i hapur për Qeverinë e Zaevin”.
“Me gjithë problemet që ka pasur gjatë qeverisjes së saj, VMRO është një faktor i rëndësishëm. Si forcë politike, VMRO është një kërcënim i hapur për Qeverinë e Zaevit. VMRO është anëtare e PPE-së, ka CV në pushtet, pavarësisht se nuk ka dashur të nënshkruajë marrëveshjen me Greqinë. Nuk besoj se Gruevski do të kthehet, por VMRO-ja është aty dhe e gatshme ta marrë pushtetin”, thotë Çejku.
Sipas tij, në fushatën zgjedhore për zgjedhjet lokale nuk ka pasur retorikë nacionaliste dhe ka pasur4 debate lokale, që është për tu përshëndetur.
“Lidhur me fatin e Zaevit, ai publikisht ka dhënë dorëheqje në mungesë të komunikimit me BDI-në. Nga ana tjetër kemi edhe konfuzion në faktorin ndërkombëtar. Nga ana tjetër kemi edhe konfuzion në faktorin ndërkombëtar. Kemi parë reagim të Departamentit amerikan të shtetit, i cili nuk tregon asgjë të qartë”, thotë Çejku.
