Aktorja Arjola Demiri është një prej banoreve më të diskutuara të Big Brother VIP në media.
Ajo shpesh herë ka rrëmbyer vëmendjen e shikuesve me rrëfime të sinqerta nga jeta e saj personale.
Jo pak herë, aktorja e njohur për rolin e ‘Xhbanes’ në hit-serialin “O Sa Mirë” është diskutuar edhe për dukjen e saj brenda shtëpisë.
Teksa në të shumtën e rasteve ajo është prezantuar me veshje e paraqitje ekstravagante brenda shtëpisë, në dukjen e së enjtes, Arjola zgjodhi të vërë në pah disa doza patriotizmi.
Kjo pasi ajo është parë në shtëpinë e Big Brother VIP me bluzën e fushatës së njohur “Liria ka emër”.
Kjo fushatë kundërshton gjykimin e ish-pjesëtarëve të UÇK-së: Hashim Thaçi, Kadri Veseli, Rexhep Selimi e Jakup Krasniqi, të cilët po gjykohen në Hagë.
Jetesa e gjatë në Kosovë duket se e ka lidhur aktoren tropojanë emocionalisht me historinë dhe kauzat e këtij shteti, një prej të cilave viteve të fundit është “Liria ka emër”.
