Shkup, 2 nëntor – Kabineti i presidentit të Republikës së Maqedonisë së Veriut, Stevo Pendarovski dhe Fondacioni internacional për sisteme zgjedhore sot nënshkruan Memorandum për bashkëpunim.
Memorandumi rrjedh nga interesi i përbashkët për përforcimin e bashkëpunimit ndërkombëtar me qëllim të mbështetjes së Kabinetit të presidentit në realizim të aktiviteteve të cilat zbatohen në kuadër të Qendrës presidenciale për arsim politik, kumtoi Kabineti i presidentit.
Aktivitetet së bashku do të realizohen në disa rajone, gjegjësisht, zbatim të hulumtimeve, përgatitje të analizave, organizim të seminareve edukative, debate publike dhe konferenca.
Memorandumin e nënshkruan sekretari i përgjithshëm i Kabinetit të presidentit Mile Boshnjakovski dhe Ioana Kosma, drejtoreshë rezidente e Fondacionit internacional për sisteme zgjedhore.
Angazhimet e Qendrës presidenciale janë në drejtim të forcimit të kulturës së dialogut në frymën e vlerave demokratike, mbrojtjen e të drejtave dhe lirive të njeriut, promovimin e pluralizmit politik, tolerancës reciproke, unitetit dhe solidaritetit, duke kontribuar në përfshirjen e edukimit politik në formal dhe sistemi i arsimit joformal, qëndron në kumtesën e kabinetit të presidentit.
