Shkup, 19 nëntor – Dje rreth orës 18:50 në fshatin Luboten policia ka kryer bastisje në shtëpinë e 31 vjeçarit A.Q, informon Zhurnal.
Sipas njoftimit të policisë, në një aksion me drejtorinë e Doganave, gjatë kontrollit të një veture “Audi A4 karavan” e drejtuar nga A.Q dhe gjatë bastisjes në shtëpinë e tij në Luboten, janë gjetur rreth 750 paketime me duhan të grirë, me peshë rreth 224 kilogramë, si dhe 865 kilogram duhan në fleta, maqinë për prodhim të duhanit të grirë, sasi më të madhe të ambalazhave për paketim të duhanit me mbishkrime të ndryshme nga lloje të ndryshme të duhanit, peshore, pajisje si dhe kuti të kartonit për paketimin e tyre.
Gjërat e gjetura janë marë dhe janë dorëzuar për ekspertizë, ndërsa kundër A.Q do të ngritet padi adekaute penale.//Zhurnal.mk
