Shkup, 23 dhjetor – Avokati Zvonko Davidoviq informoi se është parashtruar ankesë për masën paraburgim për ish-drejtorin e DSK-së Sasho Mijallkov për lëndën “Parcelat në Vodno” dhe paralajmëron se do të përdoren të gjitha mjetet ligjore të cilat i janë në dispozicion mbrojtjes.
“Duhet të dihet se dje janë marrë dy vendime, të kundërta, dhe rregulli është që një vendim i një gjykate të caktuar mund të anulohet vetëm në procedurë ligjore nga një gjykatë më e lartë. Dje, fatkeqësisht, ndodhi që Gjykata Themelore Penale Shkup të nxjerrë jashtë fuqisë një vendim të Gjykatës së Apelit, e cila është gjykatë më e lartë se ajo. Gjykata e Apelit ka pranuar lirimin me kusht dhe ka vlerësuar të gjitha rrethanat dhe rastet për të pandehurin, por fatkeqësisht Gjykata Themelore e ka mbajtur të pandehurin jashtë ligjit pa bazë ligjore për disa orë në paraburgim, pasi vendimi i parë i Gjykatës së Apelit ka qenë në ora 2. pasdite, madje rreth orës 21 i kanë dorëzuar vendimin e ri me të cilin i është caktuar masa e paraburgimit sepse tashmë është dënuar me dy mandate, pa thënë se nuk janë të formës së prerë, se ka 100 vite hetim, me shumë gjasa. duke iu referuar “Perandorisë”…”, deklaroi Davidoviq sot para Gjykatës penale.
Është e turpshme, siç theksoi ai, për “Parcelat në Vodno” ku nuk ka asnjë dëshmi për të akuzuarin Mijalkov, përveç një dëshmitari të manipuluar, i cili është kundërshtuar me të gjithë dëshmitarët e tjerë dhe provat materiale për të caktuar masën e paraburgimit.
“Por duke e parë të gjithë situatën në të cilën Ministri i Drejtësisë bëri presion të paprecedentë politik si ekzekutiv si ndaj gjyqësorit ashtu edhe ndaj Këshillit Gjyqësor, kjo thjesht tregon se ekzekutivi nuk është i gatshëm të heqë dorë nga ndikimi i gjyqësorit”, deklaroi Davidoviq.
Sipas tij, Gjykata Themelore nuk mund ta revokojë garancinë për shkak se vendimi i Gjykatës së Apelit është përfundimtar dhe në fuqi. – Vendimi i Gjykatës së Apelit është në fuqi, është në fuqi edhe vendimi i Gjykatës Themelore Penale. Për këtë arsye ne nuk mund ta anulojmë garancinë. Prandaj garancia dhe e gjithë pasuria është nën hipotekë, shtoi ai.
Davidoviq theksoi se Gjykata nuk e ka marrë parasysh atë që kompanitë, gjegjësisht prona që është e përfshirë në garanci e cila është regjistruar dhe e cila është e vlefshme, siguron paga dhe kontribute për më shumë se 350 familjeve të punësuara në Republikë dhe nga të cilët shteti merr të ardhura nga tatimet dhe akcizat, shuma më të mëdha të cilat vetë gjykata i përcakton në vendim. “Në drejtim të kundërt, i vlerëson si një mundësi për t’u arratisur dhe jo si një mundësi se pikërisht ajo që ai këtu ka formuar biznesin e tij nuk ka asnjë qëllim apo vullnet për t’u arratisur”, shtoi ai.
