Shkup, 1 nëntor – Të premten dhe të shtunën janë aplikuar gjithsej 5.556 doza të vaksinës ku 950 janë aplikuar si dozë e parë, 1.124 janë rivaksinuar, derisa 3.482 qytetarë kanë marrë dozën e tretë. Deri më 31 tetor gjithsej janë vaksinuar 805.008 qytetarë, janë rivaksinuar 775.825, ndërsa dozën e tretë e kanë marrë 30.852 qytetarë, ka bërë të ditur Ministria e Shëndetësisë (MSH).
Pesëdhjetë e katër për qind e qytetarëve mbi 40 vjeç, siç theksohet janë rivaksinuar, ndërsa 33 për qind e popullatës prej 18 deri 39 vjeç kanë marrë të paktën një dozë të vaksinës.
Përfshirja e vaksinës me një dozë të popullatës së rritur është 57 për qind, me dy doza janë përfshirë 46 për qind e qytetarëve mbi 18 vjet. Sipas numrit të vaksinave të aplikuara, 38 për qind e popullatës në vend është vaksinuar, ndërsa 35 për qind e popullatës në shtet ka marrë dy doza të vaksinës, informojnë nga Ministria e Shëndetësisë.
