Shkup, 3 nëntor – Çështje aktuale në plan vendor dhe ndërkombëtar përfshirë edhe statusin e procesit eurointegues të Maqedonisë së Veriut dhe pritshmëritë për tejkalimin e sfidave kanë qenë temë e takimit të sotëm të zëvendëskryeminsitrit për Çështje Evropiane, Nikolla Dimitrov me Olin Vetington, anëtar i Këshillit drejtues të Institutit Ndërkombëtar Republikan (IRI).
Siç ka njoftuar SEÇ-ja, zëvendëskryeministri Dimitrov e ka theksuar mbështetjen e IRI-t për forcimin e proceseve demokratike dhe kapaciteteve të Maqedonisë së Veriut arritjes e së cilës janë notuar në Raportin e KE-së për vendin, publikuar gjatë këtij muaji.
“Procesi i integrimit evropian është shtytësi kryesor i agjendës reformuese në shtëpi në vlerat dhe standardet evropiane, por edhe e thekson angazhimin e BE-së dhe mbështetjen e SHBA-së për stabilitet dhe prosperitet në rajon. Fillimi i negociatave qasëse të Maqedonisë së Veriut me BE-në nënkupton edhe fillimin e kapitullit tjetër të zhvillimit dhe progresit të rajonit, por edhe avancimin e partneriteteve strategjike dhe vizionit”, ka thënë Dimitrovi.
Në takimin që është shoqëruar nga Ilina Mangova, drejtuese e programit të IRI-t në Maqedoni të Veriut, Vetington e ka theksuar angazhimin e vazhdimit të bashkëpunimit në sferat me rëndësi strategjike dhe mbështetje të projekteve ku reflektohen vlerat, theksohet në kumtesë.
