Drejtuesit e Manchester Unitedit po e shohin ish-trajnerin e Real Madridit, Zinedine Zidane, si zëvendësues ideal të Ole Gunnar Solskjaer.
Presioni mbi Solskjaeri po rritet me Unitedin në vendin e gjashtë në ligë pas një humbje 5-0 në shtëpi nga Liverpooli, si dhe një humbje tjetër 2-0 nga Manchester City.
Sipas mediumit Sunday Times, Unitedi është duke punuar për të bindur Zidanen për të zëvendësuar norvegjezin në Old Trafford.
Zidane, 49 vjeç, aktualisht është pa klub që kur është larguar nga Real Madridi për herë të dytë në fund të sezonit të kaluar.
Rekordi i francezit në Real Madrid është shumë mbresëlënës, duke fituar tre Liga të Kampionëve dhe dy tituj të La Ligës si trajner gjatë dy periudhave të tij.
Megjithatë, thuhet se ai nuk është i bindur nëse puna e Unitedit do të ishte ajo e duhura për të.
