Autoritetet lokale kanë paralajmëruar kalimtarët e rastit që të mos hanë një bimë helmuese, e cila ngjan shumë me një perime të familjes së karotës që këto ditë është parë në plazhet e qytetit Cumbria në veriperëndim të Anglisë.
Ajo ndryshe njihet si “gishti i vdekjes”, ngjanë shumë me një karotë kur e shikoni për herë të parë, por gjethet e saj janë shumë helmues e lëvorja e saj nëse konsumohet mund ta mbyt njeriun, transmeton Telegrafi.
Ajo rritet në ishujt e Britanisë dhe në afërsi të ujërave, por për shkak të stuhive që goditën vendin së fundmi ka arritur deri të plazhet e Cumbrias – ku është bërë thirrje kalimtarëve të rastit që të mos i prekin.
Rojet bregdetare kanë paralajmëruar të gjithë se bëhet fjalë për një bimë shumë të rrezikshme që godet drejtpërdrejtë sistemin nervor, shkakton ngërçe dhe vdekje të papritur.
Ekspertët theksojnë se “gishti i vdekjes” është më i rrezikshëm sesa kërpudhat helmuese që kanë mjaft toksina për ta mbytur një person të rritur.
“Kur është fjala për helmin, kërpudha nuk është asgjë krahasuar me këtë”, ka thënë instruktorja e agjencisë britanike Wild Food, Marlow Ranton.
