Kina pritet të arrijë vaksinimin e 80 për qind të popullsisë kundër COVID-19 deri në fund të këtij viti dhe të realizojë imunitetin e tufës. Kështu deklaroi të premten Zhong Nanshan, eksperti i sëmundjeve të rrugëve të frymëmarrjes me më shumë autoritet në Kinë, në një videofjalim në një konferencë në kuadër të Ekspozitës së 5-të Kinë-Shtetet Arabe.
Realizimi i imunitetit të tufës varet nga efektiviteti i vaksinës dhe aftësia e përhapjes së virusit, tha ai.
Ndërsa për të arritur imunitetin e tufës në mbarë botën duhet bashkëpunimi global për dy deri tre vjet me radhë, shtoi Zhong.
Sipas ekspertëve, imuniteti i tufës arrihet kur një pjesë e madhe e popullsisë imunizohet ndaj një sëmundjeje, duke e bërë të pamundur që ajo të përhapet nga njeri te njeriu.
Duke cituar studimet e fundit laboratorike në Guangzhou, ku u dukën raste të COVID-19 në maj, Zhong tha se vaksinat kineze janë “ende shumë efektive”, pavarësisht nga një ulje e vogël e efektivitetit kundër variantit “Delta”.
Duke krahasuar pacientët e vaksinuar me ata të pavaksinuar, një studim i publikuar në revistën “Infektimet e reja nga mikrobet” më 14 gusht, zbuloi se në përgjithësi vaksinat kanë një efekt prej afro 60 për qind në mbrojtjen nga varianti “Delta”, 70 për qind nga simptomat e lehta dhe 100 për qind prej rasteve të rënda, tha Zhong.
Ai citoi edhe studimet në Kili dhe Turqi, që tregojnë se vaksinat joaktive kineze janë të sigurta dhe efektive.
