Shkup, 2 Nëntor – Gazetari Branko Geroski në emisionin “200” në Alsat vlerësoi se zgjedhjet lokale në të cilat fitoi opozita VMRO-DPMNE, ishin referendum në të cilin votuesit më së shumti votuan pro ose kundër Zoran Zaevit. Geroski theksoi se vendimi i Zaevit për të deklaruar dorëheqjen e tij nga posti i kryeministrit dhe liderit në LSDM ishte i menduar dhe shpjeguar mirë.
“Të citoj Zaevin, ishin zgjedhje historike. Ishin referendum, pro apo kundër Zaevit, ai i deklaroi të tillë, i humbi ato zgjedhje dhe ishte katastrofike dhe normale që ai të jepte dorëheqjen në rrethana të tilla dhe e bëri, me shpjegim serioz. Nuk mund ta kuptoj vendimin e tij si irracional”, tha Geroski.
