Gjimshiti rikthehet në skuadrën e Atalantas që do të përballet me Unitedin

Trajneri i Atalantas, Gian Piero Gasperini, e ka publikuar listën e skuadrës së plotë për ndeshjen e të martës kundër Manchester Unitedit.

Mbrojtësi shqiptar, Berat Gjimshiti, është kthyer nga lëndimi pas mungesës në katër ndeshje kampionale dhe një në Ligën e Kampionëve.

28-vjeçari kishte pësuar frakturë në dorë, por tashmë është rikuperuar për sfidën në Gewiss Stadium dhe trajneri e ka përfshirë në ekipin e plotë.

Duvan Zapata, Luis Muriel dhe Josip Ilicic, janë përfshirë që të tre, derisa Matteo Pessina ka mbetur jashtë si pasojë e lëndimit të muskujve të poshtëm të këmbës.

Skuadra e plotë e Atalantas:

Portierë: Musso, Rossi, Sportiello.

Mbrojtës: Maehle, Palomino, Pezzella, Djimsiti, Demiral, Zappacosta, Scalvini, Lovato.

Mesfushorë: Koopmeiners, Freuler, De Roon, Pasalic, Malinovskyi, Miranchuk.

Sulmues: Zapata, Muriel, Piccoli, Ilicic.