Shkup, 11 nëntor – Sekretari i përgjithshëm i Lëvizjes Besa, Arjanit Hoxha, ka reaguar ashpër ndaj vendimit të Kastriot Rexhepit për mos votimin e rrëzimit të Qeverisë, ndërsa paralajmëron bashkëpunim të fuqishëm me opozitën shqiptare derisa të rrëzohet përfundimisht pushteti aktual, pjesë e së cilës është edhe vet Lëvizja Besa, informon Zhurnal.
Siç shkruan Hoxha në FB profilin e tij personal, çdokush do të përgjigjet vet për veprimet e veta ndërsa Lëvizja Besa do të vazhdojë rrugën në të cilën është nisur, për rrëzimin e Qeverisë.
Ai vendimin e Rexhepit e quan si kërcënim dhe shantazh nga regjimi i LSDM-së.
