Shkup, 27 dhjetor – Dje Samka Ibraimovski, kryetar i partisë për emancipim të plotë të romëve, deklaroi se po jep dorëheqje nga funksioni zv.drejtor i Rrugëve të Maqedonisë, dhe se do të mendojë përsëri për bashkëpunim të mundshëm me Qeverinë, përcjellë Zhurnal.
“Dje analizuam në parti se çfarë kemi fituar nga viti 2016 deri më sot. Kishte dëshpërim të madh nga e gjithë kjo pritje. Partia jonë është partia më e vjetër rome, e regjistruar madje para LSDM-së”, thotë Ibraimovski.
Për arsyet për pakënaqësinë, Ibraimovski thotë se kjo është përshkak mos respektimit.
“Ne jemi 28 vite në koalicion me LSDM-në. E respektojmë vendimin e kryetarit të parë të jemi të orientuar majtist. Unë isha deputet dhe isha ministër më pas, por marrëveshja ishte vendin tim në Kuvend ta zë dikush tjetër nga partia jonë. Kabineti im si ministër pa resor ishte i përkushtuar ndaj romëve dhe bëmë shumë. Zgjidhëm rrugë problematike në rrugë rome dhe kemi siguruar mjete për ndërtimin e 25 shtëpive për romët në Koçan, njejtë edhe në Shuto Orizare bëmë 13 rrugë dhe në 300 shtëpi rregulluam rrymën e kështu me radhë.. Me këtë kabinet bëmë shumë. Qeveria duheshte të bëjë analizë se ky kabinet ka punuar, por ndodhi që të shuhet vendi im i punës si ministër. Kjo sipas meje ishte gabimi më i madh”, thotë Ibraimovski.
Ibraimovski thotë se nuk janë respektuar votat që për koalicion qeveritar i ka sjellë partia e tyre. Ai është i vendosur se sot do të jep dorëheqja nga pozita zv.drejtor në Rrugët e Maqedonisë. Partia do ta pres kryeministrin e ri me të cilin përsëri do të bisedojë.
Ai thotë se ka rreth 120 mijë romë në Maqedonia dhe kjo është edhe shteti i tyre, ndërsa sa i përket partive rome, ekziston një iniciativë që të mblidhen dhe të bashkohen të gjitha partitë rome në një platformë të vetme, ndërsa qëllimi është që të arrihen ato që kërkojnë romët.//Zhurnal.mk
