Irina Shayk u pa e veshur tërësisht në të zeza kur u kap nga paparacët e vetme në New York.
Modelja e “Vogue” po shkonte në shtëpinë e ish-partnerit të saj, Bradley Cooper – me të cilin ka vajzën Lea De Seine Shayk Cooper, katër vjeçe.
Modelja dhe aktori i “Nightmare Alley” kanë kaluar më shumë kohë së bashku këtë vit pas ndarjes në vitin 2019.
Shayk e kombinoi ‘look’-un me syze dielli të mëdha dhe një palë vathë të varur, ajo manovroi me mjeshtëri rrugët, ndërsa kishte veshur taka të zeza dhe mbante një çantë, Burberry.
Shayk dhe Cooper kanë qenë të lumtur kohëve të fundit duke iu përkushtuar së bashku vajzës së tyre katërvjeçare Lea, shkruan DailyMail.
Të dy madje ndezën thashethemet për një ribashkim pasi dukeshin shumë komod në një shëtitje nëpër zonën West Village të Manhattan në fillim të këtij muaji.
Ish-partnerët e lumtur u panë të buzëqeshur teksa ecnin krah për krah në rrugën për në shtëpinë e tij, dy vjet pasi njoftuan ndarjen e tyre pas katër vitesh lidhje.
Në anën tjetër, së fundmi, supermodelja ishte e lidhur në mënyrë romantike me Kanye West.
Romanca ishte jetëshkurtër dhe një burim tha për People në gusht se marrëdhënia mes tyre “asnjëherë nuk ishte një gjë serioze”.
