Shkup, 5 nëntor – Në organizim të Programit për Ballkanin Perëndimor të Qendrës AIRE, Iniciativës rajonale për antikorrupsion (IRA) dhe Ministrisë së Drejtësisë, sot në Shkup do të mbahet konferenca rajonale me temë “Kthim efikas i pronës në pajtim me standardet evropiane”.
Në konferencë, si kumtoi Ministria e Drejtësisë, do të mbajnë fjalim kryetari i Gjykatës evropiane për të drejtat e njeriut, Robert Spano, drejtori programor për Ballkanin Perëndimor në Qendrën AIRE, Biljana Brajtvejt, zëvendës kryetari i Qeverisë për luftë kundër korriupsionit dhe krimit, për zhvillim të qëndrueshëm dhe resurse njerëzore, Lupço Nikollovcski, ministri i Drejtësisë, Bojan Mariçiq, ambasadorja e Mbretërisë së Bashkuar në vend, Rejçel Gallouej, kryetarja e Gjykatës supreme, Besa Ademi dhe udhëheqësja e Sekretariatit të IRA-s, Desisllava Gotskova.
Moderator i konferencës është gjykatësja e Gjykatës supreme të Republikës së Maqeodnisë së Veriut, Mirjana Llazarova – Trajkovska.
Konferenca është pjesë e projektit “Luftë kundër korrupsionit dhe krimit të organizuar në Ballkanin Perëndimor përmes përforcimit të bashkëpunimit rajonal për kthim të pronës, të përkrahur nga Qeveria e Britanisë së Madhe.
Nga Ministria e Drejtësisë potencojnë se kthimi i pronës është një nga masat kyçe antikorrupsion, të cilat kërkojnë përforcim të kornizës legjislative, kapacitetit institucional dhe bashkëpunimit rajonal në Ballkanin Perëndimor.
