Shkup, 11 nëntor – Llogaria e deputetit të Lëvizjes Besa, Kastriot Rexhepi, është vërshuar me komente të shumta pas vendimit që të mos votojë për rrëzimin e Qeverisë. Shumë e kritikojnë e shumë edhe e përkrahin për vendimin. Në mesin e atyre që e kanë ërkrahur është edhe kryetari i degës së BDI-së në Dibër, Artin Spahiu.
“Të Lumtë i nderuar që çdoherë ke vepruar me racion tuaj të arsyes dhe kurrë nuk ke rënë pre e asnji veprimi që ka pasur për qëllim manipulimin për interesa të ngushta politike e personale !”, i ka shruar Spahiu Rexhepit.
Më parë Rexhepi njoftoi se nuk do të votojë rrëzimin e Qeverisë.
“Një nga kauzat kryesore të mija dhe subjektit politik Lëvizja Besa që i përkas, ka qënë integrimi euro atlantik i RMV.
Duke patur parasysh momentumin politik, pas shtyrjes të dorëheqjes nga kryeministri Zaev, për hir të procesit dhe sinjalet e forta nga partnerët strategjik SHBA dhe shtetet e BE-së që më janë komunikuar nga përfaqësues të lartë diplomatik, se në muajin dhjetor vëndi ka gjasa të mëdha të marë datë për fillim e bisedimeve për anëtarësim në BE, vendosa që mos të mar pjesë në seancën parlamentare ku duhej të meret vendim me të cilin do vihet në pikëpyetje ky pikësynim jetik kombëtar dhe shtetëror. Si politikan dhe deputet i përgjegjshëm, mora këtë vendim jo të lehtë duke i vënë interesin e popullit dhe shtetit në radhë të parë.
Shteti në këtë periudhë të rëndësishme nuk ka nevojë për krizë politike dhe zhytje në ujëra të turbullta me plot të panjohura”, ka shkruar Rexhepi në sqarimin e tij përmes facebookut.
