Shkup, 22 dhjetor – Zëdhënësja e LSDM-së Bogdanka Kuzeska në konferencën e sotme për shtyp theksoi se është vendim skandaloz i gjykatës për të pranuar garancinë, që personit Sasho Mijallkov t’i hiqet paraburgimi.
“Sot i gjithë opinioni maqedonas është dëshmitarë i goditjes së fuqishme ndaj drejtësisë nga ana e gjykatësve në Gjykatën e Apelit në Shkup. Mijallkov po mbanë masën e paraburgimit në rastin “Thesari” ku është dënuar me vite burg, por akoma nuk është vendim i plotfuqishëm. Poashtu, për Mijallkovin ka edhe aktvendim të shkallës së dytë prej 12 vite burg për përgjim të paligjshëm”, deklaroi Kuzeska.
Ajo u bëri thirrje gjykatësve Gjoko Ristov dhe Enver Bexheti publikisht të dalin dhe të tregojnë se si është e mundur që personi me plotë aktvendime prej 20 vjet, të sjellin këtë vendim.
Kuzeska u bëri thirrje të gjitha institucioneve kompetente të kyçen në këtë rast, që të mos lejohet arratisja.
