Shkup, 22 dhjetor – Nga nesër fillojnë afatet kushtetuese sipas të cilave, shefi i shtetit është i obliguar në afat të 10 ditëve t’i dorëzojë mandatin partisë apo partive që kanë siguruar shumicë në Kuvend. Mandatar do të jetë ldieri i ri i LSDM-së, Dimitar Kovaçevski, informon zhurnal.
Kryetari i Kuvendit nesër në seancë do të konstatojë dorëheqjen e Zoran Zaevit. Thuhet që Kovaçevski deri më 10 janar do të dorëzojë në Kuvend programin e kabinetit të ri qeveritar, ndërsa zgjedhja e Qeverisë paralajmërohet më 17 janar.
Sipas disa burimeve, Zaevi nuk do ta dorëzojë personalisht dorëheqjen në Kuvend por do ta dërgojë me postë. Xhaferi nesër në seancë përpos dorëheqjen e Zaevit, do ta kosntaton edhe dorëheqjen e nënkryetarit të Kuvendit, Fadil Zendeli. Pas kësaj, Xhaferi do ta mbyllë seancën dhe nuk do të ketë pyetje të deputetëve sepse me dorëheqjen e Zaevit bie krejt Qeveria.
Zyrtarisht në postet ministrore nuk do të jenë më Radmilla Shekerinska, Venko Filipçe dhe Milla Carovska ndërsa pritet që edhe Bojan Mariçiq të kalojë në vendin e Nikolla Dimitrov. Në Qeveri do të ngelë edhe zv.kryeministri për çështje ekonomike Fatmir Bytyqi. Ende nuk dihet nëse Oliver Spasovski do të ngelet në krye të MPB-së. Për Ministrinë e Transportit përmenden emra si Hari Llokvenec dhe Petre Shilegov. Millan Zhivkoviq përmendet si pasues i Jagoda Shahpaskës. Pritet të zëvendësohet edhe Irena Stefkoska nga ministria e Kulturës. Edhe Sanja Llukarevska përflitet se do të marë post ministror por ende nuk është konfirmuar nga Kovaçevski. Ljupço Nikollovski po spekuloeht se do të ulet në vendin e Shekerinskës në mbrojtje.
Në BDI nuk ka ndryshime përpos Jeton Shaqirit i cili do të kalojë nga Shoqëria Informatike në Bujqësi.
Alternativa i fitoi resoret e shëndetësisë, shoqëri informatike dhe ministër pa resor përgjegjës për diasporë.//Zhurnal.mk
