Shkup, 28 dhjetor – Në organizim të Agjencisë zvicerane për Zhvillim dhe Bashkëpunim, Forumi për politika të arsyeshme dhe magazina e biznesit “Ekonomia dhe biznesi”, sot do të mbahet ngjarje përfundimtare e projektit “Komuna ime – financa, zhvillim, qëndrueshmëri afatgjate”.
Në ngjarje do të kenë fjalim Gordana Georgiev nga Forumi për Politika të Arsyeshme, përfaqësues nga Ambasada e Zvicrës, profesorët e Fakultetit Ekonomik të UCM – Goran Petrevski dhe Borçe Trenovski dhe Zoran Jovanovski nga magazina e biznesit “Ekonomia dhe biznesi”.
Siç paralajmëruan organizatorët, në këtë ngjarje do të prezantohen të dhëna përfundimtare, të grumbulluara nga analizat e 15 komunave (Prilep, Kumanovë, Tetovë, Manastir, Koçan, Ohër, Gjevgjeli, Gostivar, Kavadar, Veles, Shtip, Strumicë, Pllasnicë, Rankovc dhe Aerodrom) nga dy nga çdo rajon planor dhe një komunë nga Shkupi, të cilët ishin të përfshirë në projekt.
Bëhet fjalë për komuna me madhësi të ndryshme dhe numër të banorëve, përbërje të ndryshme etnike të popullatës, profil të ndryshëm të komunave nga aspekti i asaj nëse bëhet fjalë për komunë kryesisht urbane ose rurale, pozicionim të ndryshëm gjeografik të komunave – zonë kufitare dhe të ngjashme.
Analiza përfundimtare përfshin të dhëna nga intervista me kryetarët e komunave, mendimet e këshilltarëve dhe përfaqësuesve të bashkësisë së biznesit nga komunat. Gjithashtu, prezantimi përfundimtar përfshin edhe gjetje nga analizat e buxheteve të komunave të përfshira.
