Shkup, 11 nëntor – Ndërmarrja Publike “Ujësjellësi dhe Kanalizime” – Shkup, në bazë të raporteve financiare për funksionimin e kompanisë shënon fitim për nëntë muajt e parë të vitit 2021. Fitimi nga puna e rregullt nga 1 janari deri më 30 shtator 2021 është 79.286.643 denarë.
“Rezultati financiar pozitiv dhe fitimi i realizuar prej 79.286.643 denarë për nëntëmujorin e parë të vitit 2021 vjen si pasqyrë e punës së brendshme në periudhën e kaluar, planifikimit strategjik të investimeve me qëllim përmirësimin dhe avancimin e proceseve të punës, si dhe efektivitetin e përgjithshëm të kompanisë. Kjo gjithashtu është reflektim edhe i qasjes profesionale dhe analizës dhe planit të detajuar financiar për të hyrat dhe shpenzimet e ndërmarrjes, deklaroi drejtori i përgjithshëm i NP “Ujësjellësi dhe Kanalizime” – Shkup, Dushko Veskovski.
