Shkup, 9 nëntor – Pasi Skender Rexhepi pranoi ofertën e OBRM-PDUKM-së për të paraqitur një iniciativë të re për votim mosbesimi ndaj Qeverisë pa nënshkrimet e së Majtës, OBRM-PDUKM po shqyrton opsionet për ta bërë këtë pa shtyrë datën e seancës së caktuar për votim për të enjten.
“Në lidhje me tërheqjen e mocionit të mosbesimit, janë duke u shqyrtuar opsionet për të siguruar që të mos anulohet iniciativa e filluar për votim, mundësisht të të jetë të enjten. Pas konsultimeve, opinioni do të informohet”, thonë nga OBRM-PDUKM për “Fokus”.
Megjithatë, është e paqartë nëse ekziston fare një opsion i tillë, duke qenë se nëse iniciativa ka nënshkrime të tjera nga ajo e dorëzuar tashmë (siç ka kërkuar Rexhepi), do të jetë një iniciativë e re që mund të dorëzohet që nesër.
Ndërsa sipas Rregullores së Kuvendit, për çështjen e besimit të Qeverisë, Kryetari i Kuvendit menjëherë thërret seancën, e cila mbahet në ditën e tretë nga dita e shtrimit të çështjes, e cila në këtë rast do të ishte e shtunë.
