Shkup, 8 nëntor – VMRO-DPMNE ka dorëzuar kërkesë për votim të mosbesimit të Qeverisë, pasi në Kuvend sot nuk u dorëzua dorëheqja e Zoran Zaevit nga pozita kryeministër, informon Zhurnal.
Iniciativa është dorëzuar nga ana e 61 deputetëve nga VMRO-DPMNE, Aleanca për Shqiptarët, Alternativa, Besa dhe E Majta.
Lideri i VMRO-DPMNE-së Hristijan Mickoski, i kishte dhënë afat deri në ora 14:30 sot që Zaev të deponojë dorëheqjen por kjo nuk ndodhi.
Mickoski më parë kishte informuar se ka formuar shumicë parlamentare së bashku me ASH-në, Alternativën, Besën dhe Të Majtën./Zhurnal.mk
