Pas ditëve plot zhvillime, përfundimi që dihej paraprakisht, doli të jetë i lumtur, pasi Xavi Hernández do të marr komandën te Barcelona.
Trajneri i cili e kishte ëndërruar këtë moment prej muajsh, vitesh, duket ka një ide shumë specifike në kokën e tij, se çfarë duhet të jetë Barça, thelbi, stili që duhet t’i tregojë botës.
Së pari është mënyra e të luajturit dhe përmes saj me siguri do të arrihen edhe objektivat.
Të kthehemi në ditën e sotme, që ishte ditë takimesh, darkash, marrëveshjesh, premtimesh. Gjithçka për të arritur shkëputjen e nevojshme dhe për të bërë kërcimin e madh.
Sapo kjo të konfirmohet edhe nga Barcelona, Xavi do të jetë përballë ‘panoramës’, ku nuk mungojnë kufizimet sportive dhe ekonomike.
