Shkup, 14 dhjetor – Sendërtimi është mjaft i qartë, objektiv dhe i strukturuar dhe do të jetë çështje e punës së vërtetë, e jo e fjalimeve dhe parullave politike, deklaroi kryeministri bullgar, Kril Petkov për marrëdhëniet mes Bullgarisë dhe Republikës së Maqedonisë së Veriut pas mbledhjes së sotme të Qeverisë bullgare, lajmëroi BTA.
“Dje mora thirrje nga Zoran Zaev për të ma uruar funksionin. E shqyrtuam idenë për grupe të punës për të cilën biseduam gjatë fushatës. Ato do të strukturohen sa më parë, dhe shpresoj në fillim të janarit se do të kemi plan të qartë se cilat do të jenë ato grupe. Duke e përfshirë edhe atë për çka biseduam sot në mëngjes – të kyçim më shumë kulturë, infrastrukturë dhe ekonomi si plotësim krahas historisë. Duhet të bëjmë plan të aksionit dhe në fillim të janarit këto grupe të punës të kenë rezultate reale, të japin ide që t’i avancojmë negociatat në plan më operativ”, shtoi Petkov.
“Tek Zaevi ka ndryshim, ai vetë pret që do të ketë kryeministër të ri në fillim të vitit të ardhshëm, që do të japë fillim të mirë të përgjithshëm”, tha Petkov për bisedën e tij me kryeministrin e Republikës së Maqedonisë së Veriut.
Petkov theksoi edhe se jo ai, por shefi i shtetit, Rumen Radev do të udhëtojë drejt Brukselit për të marrë pjesë në mbledhjen e Këshillit të Evropës.
“Preferoj që vizita ime e parë në Bruksel të mos jetë këtë javë, sepse u jap prioritet problemeve të vërteta që duhet t’i zgjidhim sot. Disa njerëz thanë se ndoshta do të kemi 100 ditë të lira, por jo, doli që kemi vetëm një pasdite dhe një mbrëmje, mbrëmë. Nga ky aspekt, presidenti Radev do të shkojë në Bruksel”, tha kryeministri Kiril Petkov.
