Shkup, 6 shkurt – Viti 2024 filloi furishëm në skenën politike, pikërisht ashtu siç pritej. Duke pasur parasysh se bëhet fjalë për vit zgjedhor, turbulencat në skenën partiako-politike nuk janë asgjë e jashtëzakonshme. Madje, ka të ngjarë që me afrimin e zgjedhjeve ato vetëm të shtohen dhe të marin intensitet më të lartë. Viti i kaluar përfundoi dhe ky vit filloi me paralajmërimet e opozitës shqipatre për “radikalizim” nëse nuk u jepet anëtari i shtatë i Komisionit Shtetëror Zgjedhor, ashtu siç vlerësojnë se u takon. Ky radikalizim deri tani është manifestuar me lëshimin e punës së Kuvendit, por paralajmërimet janë se mund të ketë edhe protesta e bllokada, shkruan Zhurnal.
Lëvizje në skenën politike shkaktoi edhe zgjedhja e qeverisë teknike, me kryeministër të parë shqiptar, Talat Xhaferin. Mandati i kësaj qeverie është të përgatisë zgjedhje fer dhe korrekte, si më 24 prill kur mbahet raundi i parë i zgjedhjeve presidenciale, poashtu edhe më 8 maj kur mbahen zgjedhjet parlamentare, në të njëjtën ditë me zgedhjet eventuale presidenciale. Zgjedhja e kryeministrit të parë shqiptar u bojkotua nga opozita shqiptare, e cila e akuzon Talat Xhaferin për përgatitje të falsifikatit zgjedhor me bllokimin e zgjedhjes së anëtarëit të shtatë të KSHZ-së nga radhët e opozitës, në kohën sa ishte kryetar Kuvendi. Nga ana tjetër, nga partia e tij BDI, zgjedhja e Xhaferit u konsiderua si akt historik, siç u vlerësua edhe nga shumë gazetarë e analistë nga Shkupi, Prishtina e Tirana.
Tani jemi në fazë të zhvillimeve turbulente brenda Aleancës për Shqiptarët. Përplasjet mes dy blloqeve joformale, të udhëhequra nga kryetari aktual Arben Taravari dhe ish kryetari (kryetar aktual i Kuvendit partiak Ziadin Sela), me shumë gjasë do të përfundojnë me ndarje në dysh të partisë me numër më të madh të deputetëve pas BDI-së. Fraksionet tek partitë tjera për momentin janë duke heshtur, por me afrimin e kohës së caktimit të listave me kandidatë për deputetë edhe ato (fraksione) do të dalin në shesh, sepse gjithsesi se dikush do të mbetet i pakënaqur në fund.
Deri sa politika po “vlon”, ekonomia duket se nuk po e mer fare veten as sivjet, por po vazhdon të çalon e dështon, shkruan Zhurnal. Studentët protestojnë për bursat, të punësuarit e Fondit të shëndetësisë janë futur në grevë për shkak të propozimit për uljen e pagave të tyre, pakënaqësi ka edhe te të punësuarit tjerë në shëndetësi, te bujqit, te blegtorët, kurse rritja e premtuar e pagave për të punësuarit në arsim ka gjasa të vonohet. Vendi po “shijon” pasojat e rritjes rekorde të inflacionit prej 46 për qindëve, ndër më të lartit në Evropë. Nga ana tjetër rritja e çmimeve të produkteve bazë nuk “vonohet” aspak, por edhe tutje vazhdon me ritëm galopant. Viti 2023 ishte i vështirë, por ia dolëm disi deri në fund me shpresë se viti 2024 do të jetë më I lehtë dhe se do t’i vijë fundi krizës së vazhdueshme të filluar me pandeminë, e të vazhduar dhe “sforcuar” pas invazionit rus në Ukrainë. Sado që i kemi hapur “katër sy”, drita në fund të tunelit nuk po shihet, së paku pë rata që jetojnë me mund e me djersë, e jo në kurriz të qytetarëve.
Të pasurit vazhdojnë të pasurohen, klasa e mesme po bie nën “mesatare”, kurse shumica e qytetarëve vazhdojnë të varfërohen. Jeta e tyre vazhdon mes dilemës të rrinë apo të ikin, situatë që e pasqyrojnë edhe valixhet që vazhdimisht janë gjysmë të mbushura, me gjasa gjithnjë e më të mëdha të mbushen plot dhe të gjenden në “bagazhet” e autobusëve e aeroplanëve që udhëtojnë drejt perëndimit me qytetarë tanë, që pas një ose dy viteve kthehen vetëm si mërgimtarë për pushim dy javor.
Shumë fëmijë që gjysëm vjetorin e parë e mbaaruan me përshëndetjen “ditën e mirë e mirupafshim”, gjysëmvjetorin e dytë e filluan me :guten morgen”, “gutten tag” ose “gutten morgen”. Me “good morning”, ose “good afternoon”, me “bonjour” ose “benvenuto”, varsisht në cilin cep të Evropës ose botës i ka hedhur fati, në kërkim të perspektivës që se gjetën në vendlindjen e tyre. Deri paar disa viteve shkollat në vendin tonë vazhdimisht pranonin banka e karrige, që vinin si donacione nga vendet perëndimore. Nëse vazhdon ky ritëm, së shpejti ne do të fillojmë të donojmë në vende të treta, sepse pandalshëm shtohet numri i bankave dhe karrigeve që mbeten bosh me çdo gjysëmjvetor e vit të mbaruar shkollor. Dhe kjo shumë pak na shqetëson. Me rëndësi për ne është se politika po vlon dhe partia jonë do të fiton!/Zhurnal
