Ky është momenti rrëqethës kur një i ri qëndroi i varur jashtë trenit që lëvizte me afro 100 kilometra në orë.
Pamjet janë publikuar në kanalin DyingLlama në YouTube, ku i riu me kamerën e vendosur në kokë filmon rrugëtimin me tren, transmeton Telegrafi.
Është interesant sesi miqtë që e përkrahnin nga brendësia e vagonit e pyesnin nëse po kënaqet – e ai vazhdimisht ua bënte me dije se po e filmon tërë udhëtimin.
E pas arritjes së trenit në stacionin e metrosë, ai zbret drejt në platformë duke u larguar me shpejtësi nga vendi i ngjarjes.
Pasagjerët që ishin në stacion, shikonin të habitur kur ai qëndronte i varur dhe derisa treni lëvizte i përshëndeste.
Videoja shpejt u bë virale e ngjarja raportohet të ketë ndodhur në metronë e Londrës, ku miliona njerëz në ditë e frekuentojnë.
