Qeveria do të mbajë mbledhjen e 119-të

Shkup, 16 nëntor – Qeveria e Republikës së Maqedonisë së Veriut sot do ta mbajë mbledhjen e rregullt të 119-të.
Siç njoftoi pres-shërbimi qeveritar, në rend dite të mbledhjes krahas disa propozim-ligjeve për ndryshim dhe plotësim të ligjeve që kanë të bëjnë me përmirësimin e mbrojtjes sociale, mbrojtjes së fëmijëve, është edhe Informacioni për rrjedhën dhe progresin në menaxhimin e modelit të ri për vlerësim të mbështetjes plotësuese arsimore, shëndetësore dhe sociale të fëmijëve dhe të rinjve, bazuar në Klasifikimin ndërkombëtar të funksionimit (KNF).