Shkup, 2 nëntor – Sipas raportit të Komisionit Evropian, Qeveria e obligoi Sekretariatin për Çështje Evropiane (SEÇ), në bashkëpunim me ministritë resore, ta azhurnojnë Agjendën Evropë në vend në përputhje me prioritetet afatshkurtra nga Raporti i Komisionit Evropian për Maqedoninë e Veriut për vitin 2021 jo më vonë se 22 nëntor 2021.
“Ministrat në Qeveri sote shqyrtuan dhe miratuan informacionin për gjetjet dhe rekomandimet kryesore nga Raporti i Komisionit Evropian për Republikën e Maqedonisë së Veriut për vitin 2021, në të cilin thuhet se vendi vazhdon t’i përmbushë kushtet për hapjen e negociatave për anëtarësim dhe se autoritetet demonstrojnë publikisht angazhimin e tyre të fortë për përparimin e vendit në rrugën e tij drejt BE-së”, kumtoi shërbimi për shtyp i qeverisë.
Komisioni, shpjeguan ata, u bëri thirrje vendeve anëtare që të miratojnë kornizën negociuese pa vonesë dhe të mbahet Konferenca e parë Ndërqeveritare, duke vënë në dukje se shtyrja e fillimit zyrtar të bisedimeve të pranimit ka një ndikim negativ në kredibilietin e BE-së.
