Në takimin e kryeministrit Albin Kurti bashkë Volker Oel, udhëheqës i drejtoratit të Ministrisë Federale gjermane për bashkëpunim dhe zhvillim ekonomik (BMZ), u bisedua për rëndësinë e impiantit të parë për trajtimin e ujërave të ndotura urbane, i inauguruar sot në Prizren.
Në njoftimin e Zyrë së Kryeministrit thuhet se në këtë takim u tha se ky projekt i mbështetur nga shteti gjerman, Qeveria e Kosovës dhe Komuna e Prizrenit, do të lehtësojë sfidat në rritje e sipër, që lidhen me mungesën e ujit në vend.
Kurti theksoi se krahas stabilitetit institucional, Kosova ka një rritje ekonomike të paprecedentë.
Oel shprehu mbështetje për qasjen e Qeverisë kundër korrupsionit dhe luftimit të krimit të organizuar, por edhe politikat për të ofruar perspektivë për të rinjtë e Kosovës.
Tema të tjera të cilat u biseduan në këtë takim janë ajo për Parkun e Inovacionit dhe Trajnimeve (ITP) në Prizren, për potencialin e migrimit qarkor për të sjellë njerëz dhe mundësi të mëdha për zhvillimin e Kosovës si dhe për tranzicionin energjetik, përfaqësuesit e qeverisë gjermane konfirmuan mbështetjen për projektin “Solar 4 Kosova”.
