Ishte një kohë kur një trajner zgjidhte krahun e majtë të tij bazuar thjesht në aftësinë e tyre për të dhënë një top në zonë. Ndërsa kjo mbetet ende pjesë e detyrave të çdo lojtari që luan në shumë pozita në atë anë, por tani roli ka evoluar duke përfshirë shumë më tepër gjëra.
Në kohët moderne, ata që luajnë në krahët konsiderohen më vete armët kryesore sulmuese, që pritet jo vetëm të krijojnë, por edhe ta gjejnë rrjetën.
Me 116 gola dhe 89 asistime në 309 ndeshje në karrierë nga ana e majtë për Manchester Cityn, Raheem Sterling është konsideruar prej kohësh një nga lojtarët më të rrezikshëm të Evropës në këtë pozicion.
Megjithatë, një sërë faktorësh kanë bërë që Sterling të bie në formë nën urdhërat e trajnerit të Cityt, Pep Guardiola këtë sezon – jo vetëm ardhja e Jack Grealish nga Aston Villa për 100 milionë funte gjatë verës.
Pavarësisht se po kalon më shumë kohë në bankën rezervë këtë sezon, Sterling ende renditet në vendin e pestë, në një listë të përpiluar së fundmi nga FourFourTwo . 26-vjeçari madje u rendit më lart në listë se Grealish.
Më poshtë mund të shikoni listën e plotë:
10# Leroy Sane (Bayern Munich)
9# Marcus Rashford (Manchester United)
8# Ansu Fati (Barcelona)
7# Jack Grealish (Manchester City)
6# Lorenzo Insigne (Napoli)
5# Raheem Sterling (Manchester City)
4# Son Heung-min (Tottenham Hotspur)
3# Vinicius Jr (Real Madrid)
2# Neymar (Paris Saint-Germain)
1# Sadio Mane (Liverpool)
