Ish-kryeministri Sali Berisha do të zhvillojë një konferencë për shtyp këtë të mërkurë. Mësohet se konferenca për shtyp do të zhvillohet në orën 19:00 në një prej hoteleve në Tiranë.
“Sot në orën 19:00 do të zhvilloj një konference për shtyp në Hotel Rogner. Ftoj të gjitha mediat, sipas dëshirës, të jenë të pranishme”, tha Berisha.
Një ditë më parë, në foltoren që zhvilloi në Pogradec, Berisha deklaroi se do të depozitohen në PD 4200 firmat e delegatëve për mbledhjen e Kuvendit Kombëtar.
Berisha e quajti këtë një lajm të keq për Bashën dhe i bëri thirrje që të përulej dhe të dëgjojë demokratët.
“Nesër dorëzohen 4 mijë e 200 firma për Kuvendin Kombëtar. I them kryetarit pa parti: Përkulu para anëtarëve të partisë demokratike. 4200 kanë firmosur, por 10 mijë të tjerë do të vijnë, do të jetë festa më e madhe e Partisë Demokratike, do të jetë triumfi i saj, do të rikthehet më e fortë se kurrë”, tha Berisha.
Më herët, lideri historik i demokratëve ka deklaruar se Kuvendi do të mbahet më 11 Dhjetor.
