Artistja e njohur nga Shqipëria, Samanta Karavella, është thuajse në finalizim të këngës së re nga albumi i saj “Mama”.
Në një njoftim të ri të bërë në rrjete sociale, këngëtarja ka bërë të ditur se të mërkurën (15 nëntor) publikon këngën e radhës “Jeta Ime”.
Duket të jetë një baladë dashurie, për të cilën ka shpërndarë një insert të shkurtër në Instagram.
Samanta Karavella (Foto: Instagram)
“Jeta ime/e mërkurë 18:00. Albumi Mama 2022”, kanë qenë fjalët krahas postimit të Karavellës.
Të parin projekt të quajtur “Mama” e lansoi rreth një muaj më parë, i cili u prit mirë dhe deri më tani ka kaluar shifrën e një milion klikimeve.
Këngët e tjera besohet se do të lansohen në vitin 2022, ashtu siç edhe e ka titulluar albumin.
Samanta ndryshe po vazhdon të jetë shumë e pëlqyer për zhanrin duke qenë se i ka qëndruar besnike që nga fillimi.
