• About
  • Advertise
  • Privacy & Policy
  • Contact
Argument MK
Advertisement
  • Ballinë
  • Maqedoni
  • Kosovë
  • Shqipëri
  • Bota
  • Sport
  • Ekonomi
No Result
View All Result
  • Ballinë
  • Maqedoni
  • Kosovë
  • Shqipëri
  • Bota
  • Sport
  • Ekonomi
No Result
View All Result
Argument MK
No Result
View All Result
Home Bota

SHBA: Po vazhdon verifikimi i afganëve të vendosur në kampin Bondsteel

argadmin by argadmin
16/11/2021
in Bota
0
SHBA: Po vazhdon verifikimi i afganëve të vendosur në kampin Bondsteel
0
SHARES
1
VIEWS
Share on FacebookShare on Twitter

Zëdhënësi i Departamentit të Shtetit në Shtetet e Bashkuara, Ned Price ka thënë se në kampin Bondsteel në Kosovë autoritetet amerikane po vazhdojnë verifikimin e afganëve të zhvendosur për t’iu mundësuar pranimin në Shtetet e Bashkuara apo në një vend të tretë.

“Si pjesë e procesit të vazhdueshëm të verifikimit për të evakuuarit afganë, disa nga ata, rastet e të cilëve kishin nevojë për përpunime shtesë, janë zhvendosur në kampin Liya, që ndodhet në kampin Bondsteel në Kosovë. Ekipet ndërinstitucionale po punojnë për të përfunduar procesin e pranimit të tyre eventual në Shtetet e Bashkuara ose për zhvendosjen në një vend të tretë”, ka thënë Price duke shtuar se shumë prej tyre janë larguar tashmë ose janë në proces të lejimit të largimit.

Ai nuk ka bërë të ditur numrin e afganëve të cilët janë lejuar të largohen nga Kosova apo të atyre që vazhdojnë të qëndrojnë në kampin Bondsteel.

“Ne jemi mirënjohës për të gjithë partnerët tanë, dhe kjo përfshin edhe Qeverinë e Kosovës, që ka lejuar që këta të evakuuar të strehohen përkohësisht në Kampin Liya. Ne po ndërmarrim të gjitha përpjekjet e nevojshme për të siguruar një mjedis të sigurt dhe të rehatshëm në Kampin Bondsteel, ndërkohë që verifikimi është duke u zhvilluar”, tha Price.

Forcat ndërkombëtare, që kanë operuar në Afganistan për 20 vjet, janë tërhequr nga ky vend në fund të gushtit. Rreth 60 mijë persona që ikën nga ky shtet përmes fluturimeve ushtarake të organizuara nga SHBA-ja dhe shtetet e tjera aleate, përfunduan në vende të ndryshme të botës.

Kosova ishte ndër vendet e para që ofroi strehim për afganët që u larguan nga vendi.

Ministria Punëve të Brendshme në Qeverinë e Kosovës, më 5 nëntor bëri të ditur për Radion Evropa e Lirë, se në Kosovë deri tash kanë ardhur 1.307 persona, aktualisht janë 706, kurse janë larguar 601 persona.

Njoftimi i fundit për largimin edhe të një grupi afganësh nga Kosova ishte bërë më 5 nëntor nga ana e Ambasadës së Shteteve të Bashkuara në Prishtinë në të cilin thuhej se më shumë se 100 shtetas afganë që kanë qenë duke qëndruar përkohësisht në Kosovë janë nisur drejt Shteteve të Bashkuara të Amerikës.

Për dallim nga Shqipëria dhe Maqedonia e Veriut, ku afganët që po gjejnë strehim atje janë të lirë të lëvizin jashtë hapësirave ku ata janë të vendosur, për afganët që strehohen në Kosovë ka masa më të rrepta të sigurisë.

Previous Post

Turqia arreston një të dyshuar për vrasjen e presidentit haitian

Next Post

Xhaferi: Marrëdhëniet e shkëlqyera me EBA të intensifikohen me bashkëpunim në të gjitha nivelet

argadmin

argadmin

Next Post
Xhaferi: Marrëdhëniet e shkëlqyera me EBA të intensifikohen me bashkëpunim në të gjitha nivelet

Xhaferi: Marrëdhëniet e shkëlqyera me EBA të intensifikohen me bashkëpunim në të gjitha nivelet

Stay Connected test

Recent News

A po përgadit VMRO-ja koalicion me ASH, siç ishte modeli LSDM-BESA ?

A po përgadit VMRO-ja koalicion me ASH, siç ishte modeli LSDM-BESA ?

15/05/2022
Deponi inerte rrugës për tek Penda e Likovës

Deponi inerte rrugës për tek Penda e Likovës

15/05/2022
Gjashtë muaj pa gjinekolog amë në Shuto Orizare

Gjashtë muaj pa gjinekolog amë në Shuto Orizare

15/05/2022

240 mijë vaksina skadojnë për dy javë

15/05/2022
Argument MK

Të gjitha të drejtat e përmbajtjes në këtë portal janë të rezervuara.

  • About
  • Advertise
  • Privacy & Policy
  • Contact

© 2021 Developed by - ANET 2021.

No Result
View All Result

© 2021 Developed by - ANET 2021.

This website uses cookies. By continuing to use this website you are giving consent to cookies being used. Visit our Privacy and Cookie Policy.
AllEscort