Shkup, 22 dhjetor – Pas fjalimit për fundvit të presidentit të vendit Stevo Pendarovski në Kuvend, Zaev do ta deponojë dorëheqjen e paralajmëruar, informon Zhurnal.
Pas humbjes në zgjedhjet lokale, Zaev paralajmëroi se do të tërhiqet nga të gjitha funksionet. Dorëheqjen tanimë ka dhënë si lider i partisë, e ku si kryetar i ardhshëm është zgjedhur Dimitar Kovaçevski. I njejti pritet të marë edhe mandatin për formimin e Qeverisë së re.
Pendarovski pas dorëheqjes së Zaevit duhet ta ndajë mandatin mandatarit të ri. Sipas Kushtetutës, presidenti është i obliguar në afat prej dhjetë ditëve të dorëzojë mandatin e partisë, gjegjësisht partitë të kenë shumicë në Kuvend.
Mandatari pastaj në afat prej 20 ditëve nga marja e mandatit, në Kuvend e dorëzon programin dhe propozon përbërje të re të Qeverisë./Zhurnal.mk
