Shkup, 1 nëntor – Procesi i reformave në gjyqësi dhe çështjet tjera aktuale lidhur me punën e Këshillit gjyqësor, ishin tema të bisedës në mbledhjen e sotme të punës të kryetares së Këshillit, Pavlina Cërvenkovska me ambasadorin e Bashkimit Evropian në vend, Dejvid Gir, i cili ishte shoqëruar nga ekipi i tij.
Siç kumtoi Këshilli Gjyqësor, në mbledhje përfaqësuesit e Bashkimit Evropian treguan interes të veçantë për implementimin e strategjive dhe metodologjive të sjellura nga Këshilli Gjyqësor, para se gjithash për Metodologjinë e vlerësimit cilësor, Metodologjnë për vlerësim kuantitativ të gjykatësve, Metodologjinë për vërtetim të kompleksitetit të lëndeve, Strategjinë për resurse njerëzore, si dhe për Planin aksionar për luftë kundër korrupsionit.
“Ishte hapur edhe diskutim rreth Raportit të Komisionit Evropian, për pjesën përkushtuar gjyqësisë me ç’rast ishte konstatuar se janë shënuar disa ndryshime pozitive dhe përparim, por edhe që paraprin shumë punë me qëllim që të realizohen reformat për pavarësi, gjyqësi objektive dhe profesionale. Vlera e zbatimit në kohë të Strategjisë për resurse njerëzore në gjykata me plan aksionar si dhe buxheti vjetor për gjyqësi ishin mes temave në të cilat bashkëbiseduesit përkushtuan vëmendje”, shtohet në kumtesë.
