Shkup, 1 nëntor – Të ardhurat nga shitja e Telekomit të Maqedonisë janë rritur për 5,7 për qind në nëntë muajt e parë të vitit në krahasim me periudhën e njëjtë të vitit paraprak dhe arrin 8.378 milionë denarë. Përfitimi operativ para interesit, tatimit dhe amortizimit (EBITDA) është rritur për 8,6 për qind, në krahasim me periudhën e njëjtë të vitit paraprak, kumtoi sot kompania e telekomunikimit.
Prej atje theksojnë se me investim prej 45 milionë eurove për periudhën e viti 2021-2025, e kanë modernizuar rrjetin radio inkuadrues nëpër tërë shtetin me pajijsen më të të gjeneratës së pestë.
“Për momentin, një e treta e rrjetit celular është plotësisht gati për të ofruar shërbime 5G. Investimet në rrjetin optik vazhdojnë dhe numri i qasjeve optike në vend po rritet. Në fund të nëntë muajve të parë të këtij viti, më shumë se 240 mijë përdorues kanë qasje në optikë, që është 12 për qind më shumë në krahasim me të njëjtën periudhë të vitit të kaluar”, informojnë nga MT.
Shtojnë se e konfirmojnë udhëheqësinë e TV tregut me pjesën e tyre prej 34,4 për qind. Në nëntë muajt e parë, baza e shfrytëzuesve është rritur për 3,5 për qind në krahasim me periudhën e njëjtë të vitit paraprak dhe tani arrin 145 mijë shfrytëzues. Të ardhurat nga ky segment janë rritur për 3,1 për qind.
Telekomi i Maqedonisë, sipas kumtesës, shënon rritje edhe në segmentin e internetit me rritje të numrit të shfrytëzuesve për 4,7 për qind dhe rritje të qasjes deri tek interneti me shtrirje të gjerë për 4,1 për qind në krahasim me periudhën e njët nga viti 2020. Numri i shfrytëzuesve të internetit tani arrin 195.7 mijë, ndërsa pjesa në treg është 49.8 për qind. Është rritur edhe numri i shfrytëzuesve të telefonisë fikse për 2,5 për qind dhe i celularit për 5,1 për qind. Edhe të ardhurat nga shërbimet mobile në nëntë muajt e parë të vitit 2021 shënojnë rritje prej 7,1 për qind në krahasim me periudhën e njëjtë të vitit të kaluar.
