Tetovë, 4 nëntor – Uji i pijshëm në Tetovë është isigurt për përdorim, treguan hulumtimet plotësuese të Qendrës për Shëndet Publik para paraqitjes së shijes dhe erës së pazakontë para dy ditësh. Prej atje thonë se tani uji për pije mund të përdoret pa kufizime.
“Tërhiqet rekomandimi për të mos pirë ujë. Për shkak të shkëputjes së prurjeve nga ujësjellësi i ri kishte mungesë në disa pjesë të qytetit. Nga orët e pasdites uji nga sistemi i ri gradualisht do të përfshihet por këtë herë vetëm nga lumi Shkumbin, ndërsa jo edhe nga lumi Leshniçka”, informon dr. Ratko Davidovski nga Qendra për Shëndet Publik.
Qendra çdo ditë kryen kontroll të cilësisë së ujit në ujësjellësin e qytetit. Kjo dukuri viteve të fundit tejkalohej edhe me klorinim të përforcuar, ndërsa sipas përvojave të deritanishme era e keqe dhe shija zhdukej për disa ditë.
Edhe në teorinë dhe praktikën botërore, ekzistojnë monstra të tilla kur shfrytëzohen ujëra sipërfaqësor, siç është me sistemin e ri të furnizimit me ujë i cili merr ujë nga lumenjtë malor.
