Trajneri i ri i Barcelonës, Xavi, është i zënë me hartimin e listës së lojtarëve që ai shpreson të nënshkruajë në muajt e ardhshëm.
Legjenda e klubit ka marrë përsipër detyrën e trajnerit disa ditë më parë pas shkarkimit të holandezit Ronald Koeman.
Spanjolli tani ka detyrën të udhëheqë epokën pas Lionel Messit te gjigantët katalanas dhe nuk do të jetë aspak e lehtë pas një nisje jo të mirë të sezonit.
Xavi tashmë ka filluar të mendoj për ndryshime dhe afati kalimtar i janarit mund të sjell transferimet e para të trajnerit spanjoll.
Sipas mediumit Diario Sport, Xavi synon transferimin e yllit të Chelseat, Hakimi Ziyech dhe atij të Bayern Munich, Kingsley Coman në dimër ose verën e ardhshme.
Barcelona gjithashtu ka qenë e lidhur me Raheem Sterling të Manchester Cityt dhe të riun e RB Leipzig, Dani Olmo.
Ziyech është lojtari më i arritshëm nga këta lojtarë, pasi ai ka luftuar për kohën e lojës te Chelsea këtë sezon.
