Shkup, 10 nëntor – Kryetari i Kuvendit Talat Xhaferi ka dhënë përgjigje politike, e jo juridike në pajtim me rreguloren. Pyetne atë se si u bë spiker në vitin 2017. Ky është komenti i deputetit Skender Rexhepi në pyetjen e “Fokus” nëse të enjten do të pranojë të votojë mocionin për mosbesim të qeverisë ku është nënshkruar edhe “Levica”, duke pasur parasysh se kryetari i Kuvendit Talat Xhaferi tha se nëse nuk votohet të enjten, mocion i ri për mosbesim nuk mud të dorëzoet në tre muajt e ardhshëm.
Xhaferi deklaroi se opozita nuk mundet të dorëzojë iniciativë të re për votëbesim, kur tashmë ka dorëzuar një tjetër, transmeton Zhurnal.
Sipas Xhaferit, në 90 ditët e ardhshme nuk mund të ketë votim tjetër për besim ndaj qeverisë, sepse veçmë është dorëzuar inicitivë me 61 nënshkrime, e për të cilën është thirrur seancë ditën e enjte. Kjo iniciativë ishte e kontestueshme për deputetin Zejd, për shkak të nënshkrimeve të dy deputetëve të “Levicës”.
Për të dalë nga “qorrsokaku” i krijuar, shefi i grupit parlamentar të VMRO-DPMNE-së, Nikolla Micevski propozoi Zejdit të nënshkruajnë një tjetër iniciativë më 20 deputetë dhe të kërkohet mbledhje e re e Kuvendit për ditën e shtunë. Zejd e pranoi këtë sfidë të Micevskit, mirëpo ajo është kontestuar tai nga kryetari i Kuvendit, Talat Xhaferi, i cili këmbëngul se mocioni duhet të votohet dtën e enjte.
Deputeti Skender Rexhepi Zejd nuk ka qenë i qartë në përgigjen e tij për Fokus nëse pas këtij vendimi të Talat Xhaferit, do të votojë për rrëzim të qeverisë ditën e enjte, ndërkohë që mbledhja e ditës së shtunë është vendosur në pikëpyetje.
