Zhurnal mëson: Igor Ivanovski ministër në qeverinë e Dimitar Kovaçevskit?

Shkup, 23 dhjetor – Ish deputeti dhe nënkryetari i LSDM-së, Igor Ivanovski, pas një pauze të gjatë pritet t’i kthehet politikës aktive. Burime partiake njoftojnë për Zhurnal, se Ivanovski me shumë gjasë do të jetë ministër në qeverinë e re, duke udhëhequr Ministrinë për transport dhe lidhje. Ai në qeveri do të përfaqësojë “krahun e Shkupit” të LSDM-së, ose ndryshe i njohur si krahu “brankovist”.
Ivanovski, i njohur me nofkën “Shema”, disa vite ishte një ndë njerëzit më të afërt të ish kryetarit të LSDM-së, Branko Cërvenkovski, kurse me zgjedhjen e Cërvenkovsit për president shteti, u transferua në kabinetin presidencial. Kyçja e tij në qeveri, pritet të plotësojë vakumin e mbetur për “krahun e Shkupit” në qeveri pasi të largohen Radmilla Shekerinska dhe Milla Carovska. Nëse zgjedhet ministër transporti, Ivanovski pritet të marë pozitë të lartë edhe brenda LSDM-së.
Si kandidat i mundshëm për ministër transporti është përmendur edhe kryetari i deritanishëm i Shkupit, Petre Shilegov, që poashtu konsiderohet si pjesëtar i “krahut të Shkupit”. Mirëpo LSDM si duket do të insistojë edhe më tej që kandidatët e saj që kanë humbur në zgjedhjet lokale të mos përfshihen në qeveri.
Zhurnal më herët ka shkruar se kandidatë të LSDM-së për ministër mbrojtje ëhstë Lupço Nikollovski, i cili mund të udhëheqë bujqësinë, nëse arrihet marrëveshje LSDM-BDI, për rrokadë të këtyre dy resorëve.
Bojan Mariçiq nga drejtësia pritet të kalojë në sektorin e eurointegrimeve, kurse zv kryeministri Nikolla Dimitrov ambasador në Uashington. Ministrja e kulturës Irena Stefkovska mund të kalojë në arsim, kurse Millan Zhivkoviq paralajmërohet si ministër i ri i mundshëm për punë dhe politikë sociale. Edhe ministrja e tanishme Jagoda Shahpaska përmendet si candidate e mundshme për në në arsim, ose njëjtë si Radmilla Shekerinska dhe Milla Carovska të mos jetë fare pjesë e qeverisë së ardhshme.