Presidenti amerikan Donald Trump i ka bërë thirrje Izraelit të anulojë gjyqin e Benjamin Netanyahut për korrupsion, duke e përshkruar çështjen kundër udhëheqësit izraelit si një “gjueti shtrigash”.
Ai tha në Truth Social se ai dhe Netanyahu “kaluan nëpër ferr së bashku” duke luftuar Iranin dhe udhëheqësi izraelit “nuk mund të kishin qenë më të mirë, më të mprehtë ose më të fortë në dashurinë e tij për Tokën e Shenjtë të pabesueshme”, transmeton Telegrafi.
Duke e përshkruar Netanyahun si një “luftëtar”, presidenti amerikan vazhdoi të thoshte se pavarësisht kësaj kishte mësuar se Netanyahu ishte thirrur në gjykatë të hënën.
“Një gjueti e tillë shtrigash, për një njeri që ka dhënë kaq shumë, është e paimagjinueshme për mua”, tha Trump, i cili vetë është përballur me një numër akuzash dhe dënimesh penale.
“Ai meriton shumë më mirë se kjo, dhe kështu meriton edhe shteti i Izraelit. Gjyqi i Bibi Netanyahut duhet të anulohet menjëherë dhe një falje t’i jepet një heroi të madh, i cili ka bërë kaq shumë për shtetin”, shtoi Trump.
Ai vazhdoi duke thënë se ishin SHBA-të që “shpëtuan Izraelin” dhe tani do të jenë SHBA-të që “shpëtojnë Bibi Netanyahun”.
Në vitin 2019, Netanyahu u padit në Izrael me akuzat për ryshfet, mashtrim dhe shkelje të besimit në tre raste të ndara.
Gjithashtu akuzohet për pranim dhuratash nga miq milionerë dhe për gjoja kërkim të favoreve rregullatore për manjatët e medias, në këmbim të mbulimit të favorshëm. Ai i ka mohuar akuzat dhe është deklaruar i pafajshëm.
