Në një atmosferë miqësore dhe sportive, MC Kresha dhe Capital T kanë kaluar një mbrëmje të paharruar së bashku duke ndjekur gjysmëfinalen e Botërorit të Klubeve mes PSG-së dhe Real Madridit.
Të dy ikonat e hip-hopit shqiptar janë bashkuar në një ambient të ngrohtë familjar, duke treguar se përtej skenës muzikore, ata ndajnë edhe pasione të përbashkëta – siç është futbolli.
Në këtë mbrëmje sportive nuk munguan as Denk, artisti i ri që po bën emër në skenë, si dhe Visari, producenti i afërt i Trimit (Capital T). Katërshja u shoqërua me pije të gazuara, çaj rus dhe një detaj krejt veror – shalqi, që solli një kontrast të këndshëm me emocionet e ndeshjes.
“Nata e futbollit me vëllezërit”, ka shkruar Capital T në mbishkrimin e një fotografie të publikuar, duke e përshkruar me pak fjalë atmosferën e ngrohtë dhe vëllazërore të asaj nate.
Por ajo që tërheq po ashtu vëmendje në sfondin e fotografisë janë fanellat e futbollistëve shqiptarë, të vendosura në korniza në murin e dhomës.
Mes tyre dallohen emrat e Granit Xhakës, Vedat Muriqit, Milot Rashicës dhe Shkodran Mustafit – të gjitha fanella me autografe origjinale, që tregojnë respektin dhe admirimin e artistëve për sportistët tanë të suksesshëm.
